Astigarrak hosto-gorri dauden urte sasoi honetan, itsasoan urak hotz. Eta latza arrantzako lana. Orain bezala duela ehun urte ere… Orduko gertaera iritsi zait, Fernando Artola “Bordari” jaunak erderaz idatzia, Mikel “Muxarra” lagun xaharraren eskutik. Euskarara ekarriko dut nik, neure gisara. “Arraka-zarra”, patroi adintsua, urrezko belarritako batez ezagutu izan genuen guk, Ternuaraino arrantzara bidaiatua zela seinaletzat […]
Konturatzen hasia naiz, aspalditxoan, asteazkenetako nire blog honetan umore berde gordinetik urruti nabilela. Kronikaz, iritziz, oroitzapenez aparte, lan honetan hasi nintzenean (“solasean jolasean”), zorrotz agindu nion neure buruari, batik bat, txantxa gordin pipermina izango nuela hizpide edo kontu kontagai, orriotan. Natorren, hortaz, gaurkoan nire bidera, bi berdekeria mihi hezez kontatuz, euskaraz zer zera guzia zozo […]
Segun zeinek, segun noiz-nola eta, batez ere, segun nondik nora egiten duen inork alde, ihes, gertatzen zaigu guri, begiraleoi, onargarria edo traizioa. Aldaketa baldin bada etsaiengandik geure aldera, txalogarria da eta bidezkoa; ihesa baldin gure taldetik beste aldera bada, ordea, bidegabeko saldukeria. Hori beti, hala politikan nola (nola ez!?) gerran ere. Hona hemen lau kasu, […]
Donostiako Bulebarrean, eta nonahiko herri handi samarrean, belar-motzean hazitako jende behartsu mordoa dabil egunero, gauza guzien eza ezagun dutela. (Taldeka batzuetan, elkartasuna delako jende ahularen indarra). Haien inguruan badira begirale batzuk, zaintze lanetan boluntario dabiltzanak. Eta horietako batek (M. deituko dugunak) hau konta dezadala eskatu dit, Raul zenaren omenaldi gisa. M-ena da historia egiazkoa; nirea, […]
Cidade da Coruña-tik hasi eta Hondarribia bitarteko itsasbazterretako herri askotan jokatu dira oraintxe arte aurtengo estropada polit-ikusgarri bezain latz-gogorrak. Hala mutiletan nola nesketan ere. Batetik “ez da inor garaile ateratzen beti”; eta bestetik “norbaitek noski galdu behar du besteak dezan irabazi”. Baldinbaitere. Beraz, bada, gorabeherak izan dira gure traineruen jokoan, baina, edozein moduz ere, urte […]
Leon Berrotaranek, bere eskifaiarekin, 1881ean estreinakoz lortutakoa, aurten hamalaugarren aldiz, azken hiru urteotan elkarren segidan, eskuratu dute Hondarribiko arraunlariek: Kontxako Bandera, alajaina! Ez da balentria makala, sekula santan hemen hauetan ahantziko ez dena; ez, alafaede…! Baina aurten, birus malapartatu hau medio, ezin izan da ospakizun jendetsu handirik egin herrian. Bai, ordea, udaleko aretoan gutxi batzuek […]
Gure amari oinetakoak erregalatu nizkion azkeneko aldian, sandalia beltzak izan ziren. Egun hartantxe estreinatu zituen. Harritu ere egin nintzen, harritu kuanto!, jantzita ikusi nizkionean… Nik “egun seinalatu baterako” erosi bainizkion, esan ere esan nion: «Zergatik estreinatu dituzu hain azkar!?». Eta: «Hara bestea… Eta bihar bertan hiltzen banaiz, zer…? Beste norbaitek estreinatuko ditu, noski. Ez, seme, […]
Eta ateraldi edo esaera xelebre edota burutazio mamitsuei azken akabera betiko emateko, hona hemen beste sortatxo bat, nire lanaren aitzakiatzat eta zure denbora pasaren entretenigarri. Batzuren batzuk jada aspertu xamarrik zaituztedan arren, besteren batzuk badakit atseginetan irakurtzen dituzuela halako “perlak”. Ez dira onenak; ez txarrenak: neuk aliritzira hautatuak baizik, inoiz gustatu eta, badaezpada ere, jasoak; […]
Egunotan hitzetik hortzera dabil gaia: zein ote den (edo beharko lukeen) euskaldunon zin-zinezko ereserkia. Eta, euskaldunok beti bi eta ezbaiak hiru, piztu da berriro gure artean auzia, matraka beroa, egundoko ika-mika. Gaur hamabost, abuztuaren 12an, euskal musikari ezagun zenbaitek Iparragirre urretxuarraren «Gernikako Arbola» kanta zahar bezain ospetsua seinalatu eta bultzatu zuten, euskaldunen ereserkitzat izenda zedin […]
Gaudenean gaudela (aurtengo hemezortzi estropadetatik bi herenak eginda) eta datorrena datorrela (sei lehia estuen faltan Eusko Label Ligarenak osatzeko, jokatzeko, gozatzeko), pozaren atseginetan da «Ama Guadalupekoa», Hondarribiko arraunlarien koadrila. Abuztuko Ama Birjinaren egunean lemixi eta San Rokerenean txafo, aise eta airoso ekarri baitu itxera larunabat-igandez Zarauzko bandera. Azken hiru urteotan hala, alajaina. Bejondeizuela, mutilak! A […]
